Itzulketak eta 14 eguneko atzera egiteko eskubidea
Lehen 14 egunak
Azken 14 egunetan harpidetu bazara, harpidetza berehala amai dezakezu eta ordaindutakoaren erabili gabeko zatia berreskuratu. Ez duzu arrazoirik eman behar, ezta guri eskatu ere.
Ireki Ezarpenak → Fakturazioa → Utzi. Leihoak bi aukera eskaintzen ditu:
- Amaitu berritze-datan: plana mantentzen duzu ordaindutako aldia amaitu arte, eta ondoren ez zaizu ezer kobratzen.
- Amaitu orain eta itzuli dirua: plana gaur bertan amaitzen da, eta erabili gabeko zatia zure txartelera itzultzen da.
Bigarrena 14 egunen barruan zauden bitartean bakarrik agertzen da. Zenbateko zehatza erakusten du, berretsi aurretik.
Nola kalkulatzen den zenbatekoa
Erabili duzun plan-zatia ordaintzen duzu, eta gainerakoa itzuli egiten dizugu. Bi eratara neurtzen dugu —erabilera-kuotatik zenbat gastatu duzun eta fakturazio-alditik zenbat igaro den— eta handiena hartzen dugu, kalkulua inoiz nahi gabe gure alde atera ez dadin.
14 egun horietan plana aldatu baduzu, behin baino gehiagotan ordaindu duzu. Epearen barruko ordainketa guztiak itzultzen dira, bakoitza bere faktura zuzentzailearekin.
Itzulketa 5–10 lanegunetan iristen da zure txartelera, bankuaren arabera.
Beste itzulketa batzuk
14 egunetatik kanpo, jakinarazi iezaguzu eta aztertu egingo dugu. Eztabaidarik gabe itzultzen dugu dirua kasu hauetan:
- harpidetza utzi ondoren kobratu bazaizu;
- kobrantza bat bikoiztu bada;
- gure aldetik zerbaitek huts egin badu.
Idatzi support@esan.ai helbidera, zure kontuko helbide elektronikoa eta kobrantzaren data adierazita. Lanegun pare baten barruan erantzun ohi dugu.
Faktura zuzentzaileak
Itzulketa bakoitzak bere faktura zuzentzailea du: jatorrizko faktura ezeztatzen duen eta harekin batera BEZa itzultzen duen dokumentua. Ezarpenak → Fakturazioa atalean aurkituko duzu, Fakturak zerrendan, zenbateko negatibo gisa eta Itzulita markarekin; kopia bat ere jasoko duzu posta elektronikoz.